Flutt!</h1> <article> <h1>Flutt!</h1> <p>Tue, 22 Nov 2011 21:48:58 GMT</p> Jebb, eftir síðasta blogg hér hef ég ákveðið að fara eftir því sem Jóhanna sagði og flytja mig yfir á annað bloggsvæði - en þar sem ég get ekki gert link inn á nýja svæðið verðið þið bara að afrita þetta hérna: sigridurh.blogspot.com </article> <article> <h1>Skemmtilegar umræður</h1> <p>Mon, 21 Nov 2011 18:42:36 GMT</p> Ég var eins og oft áður að elda kvöldmatinn í kvöld og hafði til þess góðan aðstoðarmann - hann Daða Stein. Hann vildi að sjálfsögðu fá að hræra í pastanu sem ég var að elda og lét mig alveg heyra það þegar honum fannst ég vera komin yfir strikið í stressinu með heitar hellurnar. Samtalið sem við áttum þá var eitthvað á þessa leið: Daði: Mamma þú ert að kvarta. Ma: Ha er ég að kvarta? Da: Já, þú ert alltaf að kvarta. Ma: Hva er ég þá kvartari? Da: Já, þú ert kvartari og pabbi líka, en ég, Ísak og Logi erum karlar. Ma: jaá....... Það mætti halda að maður væri alltaf í tuðinu við þessi blessuðu börn hérna. Annars er allt ágætt að frétta af okkur. Logi Snær reyndar með einhvern skít í sér og var því heima í dag. Ísak Máni hefur lagt takkaskóna á hilluna í bili og því enginn á heimilinu að æfa fótbolta lengur. Ekki það að það sé ekki samt nóg að gera á öllum vígstöðvum, sýnist að það sé eitthvað um að vera á hverjum degi fram í næstu viku - en bara gaman að því. Ætlaði að setja eina mynd í lokin en ekki alveg að virka í blogcentral núna. Alveg að gefast upp á þessu bloggi. </article> <article> <h1>Reykjavíkurmaraþon - 10km - tékk</h1> <p>Sat, 20 Aug 2011 16:30:57 GMT</p> Jæja spennan virðist í hámarki hjá Villa og Jóhönnu um að fá að vita hlaupatímann:lol:<br /> Ég náði mínu markmiði að vera undir klukkutímanum, en verð að stefna á tímann sem Villi bað um á næsta ári - það hafðist ekki alveg núna þó ég reyndi. Þegar 55 mínútna hérarnir fóru fram úr mér voru einhverjir þrír kílómetrar eftir í mark og náði ég að halda mér í nálægð við þá, en aðeins dróst á milli í lokin og ég endaði á 56:42 sem ég er að sjálfsögðu mjög sátt við þar sem óformleg mæling á 10 km hjá mér hefur best sýnt 64 mínútur.<br />Strákarnir mínir mættu að sjálfsögðu og tóku á móti mér og hvöttu mig áfram í markið. Þarna er ég á lokasprettinum og er þetta orðið eitthvað erfitt sýnist mér á svipnum.<br /><br /><br /><br /><br />Ánægð með árangurinn og nú er bara að halda áfram að skokka og halda sér í formi. Verð örugglega með aftur að ári enda allt annað að hlaupa í svona hlaupi heldur en að skokka einn í Elliðaárdalnum.<br /><br /> </article> <article> <h1>Reykjavíkurmaraþon 2011</h1> <p>Wed, 17 Aug 2011 21:30:15 GMT</p> Já nú er það harkan sex, ég er búin að skrá mig í 10 km í Reykjavíkurmaraþoninu og eru þetta mínir fyrstu 10 km í skráðu hlaupi. Hef verið að hlaupa það best á um 64 mínútum. Markmiðið á laugardaginn er að taka það á undir klukkutímanum - hvernig sem það mun ganga. Ég skráði mig einnig á hlaupastyrk og hleyp fyrir litla stúlku sem heitir Sunna Valdís. <font size="2"><strong>(Sunna Valdís </strong>greindist 14 mánaða gömul með afar sjaldgæfan taugasjúkdóm, <strong>Alternating Hemiplegia of Childhood</strong>. Sunna er eini einstaklingurinn á Íslandi sem er greindur með þennan framsækna taugasjúkdóm. <strong>AHC</strong> einkennist af köstum sem skilja eftir sig tímabundna lömun á annarri eða báðum hliðum líkamans.) <font size="3">Við þekkjum foreldra hennar í gegn um fótboltann en bróðir hennar hann Viktor æfir með Ísaki Mána. Ef þið eigið nokkrar krónur aflögu þá hvet ég ykkur til að fara inn á þessa slóð og heita á mig <a href="http://hlaupastyrkur.is/hlaupid/keppandi?cid=4325">http://hlaupastyrkur.is/hlaupid/keppandi?cid=4325 </a><br />Peningurinn sem ég safna rennur beint til AHC samtakanna.<br />koooma svoooo..........áfram ÉG<br /><br /></font></font> </article> <article> <h1>Baulumýri um Verslunarmannahelgina.</h1> <p>Mon, 01 Aug 2011 21:50:27 GMT</p> Ákváðum að skella okkur í Baulumýri á laugardaginn, enda búið að bjóða okkur húsið til afnota. Fengum alveg dýrlegt veður allan tímann. <br />Eitthvað var Daða Steini farið að leiðast boltastúss bræðranna á tímabili á laugardaginn svo við lölluðum okkur niður að Hamraendalæk þar sem hann dundaði sér við að kasta steinum í lækinn.<br /><br /><br />Eftir dágóða stund kom svo næsti gaur til okkar og fannst þetta eitthvað spennandi.<br /><br /><br />Þegar líða fór á bættist sá þriðji á bakkann og þá fór að færast fjör í leikinn og fötum að fækka....<br /><br />Lækurinn er jú ótrúlega spennandi þó svo hann sé kaldur, en veðrið var gott svo þetta var nú lítið mál<br /><br /><br />Svo bættist sá stærsti við og honum fylgdi enn meiri atgangur, en það verðið þið að sjá á blogginu hans.<br /><br />Á sunnudaginn fórum við svo í göngutúr upp í Grjótlág til að athuga með ber. Þau voru orðin vel tínsluhæf - sumum þóttu þau betri en öðrum.<br /><br /><br /><br /><br /><br /><br />Svo var að sjálfsögðu komið við á Nýsteini og klifrað smá<br /><br />Héldum svo heim á leið í dag úr frábæru veðri yfir í rigningu hérna í bænum. Áttum frábæra daga í Baulumýrinni og virtist netleysið ekki vera að hrjá neinn í fjölskyldunni.<br /><br /><br /> </article> <article> <h1>Ýmislegt!</h1> <p>Mon, 01 Aug 2011 21:29:13 GMT</p> Ég er ekkert sérlega dugleg að blogga, en ástæðan er sú að mér leiðist óheyrilega að setja myndir hérna inn og mér finnst ekkert gaman að blogga nema það séu myndir með.<br />Við skelltum okkur í Grundó eins og venjulega helgina fyrir Verslunarmannahelgina, en þá er bæjarhátíðin Á góðri stund. Það er orðið árlegt að Gerpla komi með fimleikasýningu og nú fengu krakkarnir að prófa líka....og mamman með...<br /><br /><br />Eftir helgina var svo komið að því að fá að passa hana Heklu Björk. Við vorum að sjálfsögðu dugleg að vera úti, fórum m.a. á Fálkaborg og í Húsdýragarðinn við mikla gleði, en Hekla Björk og Daði Steinn eru alveg yndislega góðir vinir. <br /><br />Saman úti að aka í Húsdýragarðinum.<br /><br /><br />Úti að leika á Fálkaborg<br /><br /><br />Hekla Björk kemur til okkar á morgun og Daði Steinn er fullur tilhlökkunar, en svo byrjar hann á Fálkaborg á miðvikudaginn, spurning hvort hann sé fullur tilhlökkunar með það líka - kemur í ljós.<br /><br /> </article> <article> <h1>Leggjabrjótur</h1> <p>Mon, 01 Aug 2011 21:08:02 GMT</p> Gekk Leggjabrjót 19. júlí í góðra vina hópi. Með í för voru pabbi, mamma, Inga systir og Inga móðursystir. Fengum alveg yndislegt gönguveður og nokkuð bjart yfir. Gengum þetta á 6 tímum frá Þingvöllum og yfir í Hvalfjörð þar sem Guðrún, Hekla Björk, Davíð og Daði Steinn biðu eftir okkur.<br /><br />Hér sjáum við niður Brynjudal<br /><br /><br />Við gengum framhjá Hvalfelli<br /><br /><br />Inga klikkaði ekki á pósunni fyrir mig:lol:<br /><br /><br />Hérna eru svo pabbi, mamma, Inga og Inga langt komin niður í Botn<br /><br /><br />Svo er bara spurning hvenær við leggjum í Skyrtunnuna í Eyja og Miklaholtshrepp.<br /><br /> </article> <article> <h1>Loforð efnt!</h1> <p>Sun, 17 Jul 2011 21:45:53 GMT</p> Í rælni minni sagði ég já ég er til þegar pabbi spurði um síðustu helgi hvort það væri Korri um næstu helgi. Eftir gönguna yfir Arnardalsskarð skelltum við Guðrún okkur í Baulumýri og gistum eina nótt. Í morgun (17.júlí) var svo kominn tími á að efna loforðið um gönguna á Korrann. <br />Við keyrðum upp á Fróðárheiði og lögðum bílnum rétt hjá Löngubrekkunum. Aftur læt ég myndirnar tala sínu máli:<br /><br />Hér er það Korrinn frá upphafspunkti.<br /><br /><br />Útsýnið var stórfenglegt í vestur.<br /><br /><br />Ýmsar kynjaverur urðu á vegi okkar og hérna sést gæludýrið hennar Flumbru, sennilega verið björn ef vel er að gáð.<br /><br /><br />Hér sjáum við Ólafsvík, Rif og Hellissand.<br /><br /><br />Hérna erum við pabbi komin eins hátt og hægt var.<br /><br /><br />Sniðugur klettadrangur.<br /><br /><br />Vestasti hluti Snæfellsnessfjallgarðsins í allri sinni fegurð.<br /><br /><br />Klifum þessa kletta eins og fjallageitur til að komast á toppinn.<br /><br /><br />Og hérna er hún Flumbra með nefið sitt stóra.<br /><br />Einstaklega vel heppnuð gönguhelgi að baki. Davíð sá um börnin á meðan og fór létt með það, tók meira að segja auka barn í næturgistingu líka. Stefni svo á næstu göngu í vikunni, enda Davíð kominn í sumarfrí svo nú kemst ég frá að degi til á virkum degi.<br /><br /> </article> <article> <h1>Arnardalsskarð 16.júlí 2011</h1> <p>Sun, 17 Jul 2011 21:02:11 GMT</p> Jebbs, við Guðrún löbbuðum yfir Arnardalsskarð frá Kverná við Grundarfjörð yfir að Bláfeldi í Staðarsveit í gær laugardaginn 16. júlí. Við lögðum af stað úr bænum um kl.8 um morguninn beint í Grundarfjörð, eftir að hafa græjað okkur nesti vorum við klárar í göngu kl.11. Ferðasagan í myndum:<br /><br /><br />Séð inn Arnardal - hann var ansi langur en fallegur.<br /><br /><br />Kirkjufellið<br /><br /><br />Nestispása eftir að við komum upp úr Arnardal - Kirkjufell í baksýn.<br /><br /><br />Náði þessari mynd af bænum áður en þokan lokaði fyrir myndatökur uppi í Arnardalsskarðinu.<br /><br /><br />Séð úr skarðinu suður yfir - þarna voru rokið og þokan að stríða okkur.<br /><br /><br />Það var fallegt útsýni í vestur og ansi fallegir og grösugir dalir inn um allt.<br /><br /><br />Þarna sjáum við svo Arnardalsskarðið til vinstri við hnúkinn.<br />Gangan frá Kverná og niður á slétt hinum megin tók okkur ekki nema 3 klst og 10 mín. en svo gengum við í 20 mín á sléttu langleiðina niður að Bláfeldi þar sem mamma sótti okkur. Frábær ganga en hefði mátt vera örlítið betra veður í skarðinu, hefði samt ekki viljað hafa mikið heitara á leiðinni. Tek þessa leið síðar með Davíð með mér:lol:<br /><br /> </article> <article> <h1>Endalaus skemmtun</h1> <p>Mon, 11 Jul 2011 22:08:49 GMT</p> Já það er nóg að gera hjá okkur hérna á meðan Davíð er í vinnunni á daginn.<br />Í síðustu viku skelltum við okkur á Árbæjarsafnið að sjá Brúðubílinn og aftur daginn eftir hérna úti á róló, Daði Steinn hreinlega elska hann Lilla sinn:<br /><br /><br />Í gær og dag hefur svo hann Ari verið hjá okkur og hann fengið að fara í Húsdýragarðinn og fótboltaæfingu, síðdegis í dag var svo sumarhátið hjá Heiðu og Sævari dagforeldrum, við skelltum okkur að sjálfsögðu þangað og náði ég að smella mynd af nokkrum af bestu vinum hans Daða Steins:<br /><br />Allir fengu Stubbaísköku og snakk.<br /><br /><br />Emmu þótti þetta nú heldur mikið umstang þó hún sé ýmsu vön. Daði Steinn heilsaði að sjálfsögðu upp á hana.<br /><br /><br />Ágústa var svona uppáhalds í vetur.<br /><br /><br />Fanney var dugleg í fjörinu með Daða Steini. Sævar sést í baksýn vera að skenkja ísinn.<br /><br /><br />Hérna er svo hún Heiða og Ísak Snær situr við hlið hennar í sólinni í dag.<br />Alltaf nóg að gera hjá okkur............<br /><br /> </article> <article> <h1>Húsmæðraorlof/fjallganga</h1> <p>Mon, 11 Jul 2011 21:50:09 GMT</p> Ég tók þá ákvörðun á föstudag að skella mér í gróðursetninga-húsmæðra-orlof með mömmu og pabba á laugardagsmorgun. Við brunuðum í Baulumýri og gróðursettum slatta af trjám fram á hádegi. Eftir hádegi var hins vegar ákveðið að skella sér í fjallgöngu - pabbi stakk upp á Mælifelli og því var stefnan tekin á það. Við keyrðum sem leið lá upp Fróðárheiði og lögðum bílnum hjá Rjúpnaborgum og örkuðum af stað í átt að þessu stæðilega sandfelli:<br /><br /><br />Þegar við nálguðumst fellið og vorum að virða fyrir okkur önnur fjöll á svæðinu hrökk upp úr mömmu hvort við ættum kanski bara að skella okkur á Stafnafell:<br /><br />Já við erum að tala um litla fjallið þarna á miðri mynd:$ En þótt það láti lítið yfir sér þá er það staðsett þannig að maður sér til allra átta á Nesinu af toppnum:lol:<br /><br /><br />Hérna eru þau gömlu komin á toppinn og í baksýn er Staðarsveitin.<br /><br />Hérna sjáum við svo Snæfellsjökul, Hestinn og fleiri fjöll í vesturátt.<br /><br /><br />Helgrindurnar voru svo ekki langt undan í austri og lengst til vinstri á myndinni er svo fjall sem heitir Einbúi<br /><br /><br />Fróðárhreppurinn sést hér í norðri, Búlandshöfðinn lengst til hægri og fyrir ofan hann á myndinni grillir í Vestfirðina.<br />Já það var sko ekki hægt að kvarta yfir útsýninu sem við fengum í þessari ferð, fjórir tímar í yndislegu veðri með yndislegu fólki, hvað er hægt að hafa það betra.<br />Við erum svo búin að ákveða annað fjall þarna í nágrenninu sem við erum staðráðin í að sigrast á, það er bara alveg stolið úr hausnum á mér hvað það heitir en segja ekki myndir meira en orð......hérna er fjallið!<br /><br /><br />Hlakka til.....<br /><br /><br /> </article> <article> <h1>Hestamennska</h1> <p>Sun, 22 May 2011 21:07:28 GMT</p> Það mætti halda að við værum að detta í hestamennskuna hérna á þessum bæ.<br />Skelltum okkur í Húsdýragarðinn í gær, vorum þar í eina 3 og hálfan tíma og þegar við ætluðum að fara að koma okkur heim var akkúrat verið að bjóða upp á að teyma undir börnunum svo Ísak Máni og Logi Snær fengu að fara á bak.<br />Logi Snær hafði hitt Sesselju systur hennar mömmu um daginn og hún boðið honum að koma í útreiðartúr hjá sér. Það varð s.s. úr að við skelltum okkur í dag í sveitina í Mosó og Ísak Máni og Logi Snær fengu að fara í útreiðatúrinn sinn. Þeir voru alsælir með þetta allt og ekki skemmdi fyrir að fá pönnsur og skyrtertu að þessu loknu. Logi Snær hefði alveg verið til í að fara í marga útreiðatúra - hann væri alveg vís með að detta í þetta ef hann fengi tækifæri til - alveg óhræddur og öruggur með sig.<br />Þeir tóku sig vel út bræðurnir:<br /><br /><br /><br /><br /><br /><br /><br /><br />þangað til næst....gobbidígobb!<br /><br /> </article> <article> <h1>Aðgerðadagur</h1> <p>Wed, 11 May 2011 07:45:42 GMT</p> Jebb, það er komið að því - tveir fyrir einn í aðgerð á fótum í dag. Klukkan langt gengin í átta og þeir sofa bara félagarnir Ísak Máni og Logi Snær, enda lítið annað að gera þegar maður má ekkert borða og á ekki að vera mættur á aðgerðastað fyrr en kl 9:30. Eitthvað eru blendnar tilfinningar fyrir þessu hjá Ísaki Mána en Logi Snær tilkynnti það í gær að hann hlakkaði bara til. Það á s.s. að skera á einhver bönd eða sinar undir iljunum á þeim á eftir til að lengja í.<br />Ég er búin að vera þokkalega róleg yfir þessu og er búin að taka einn góðan skokkhring í morgun, en það er ótrúlega gott að byrja daginn á því. Svo er bara að sjá hvernig maður verður þegar líða fer á morguninn:$<br />Vona bara að þetta gangi allt vel, en þjálfarinn hans Loga Snæs er búinn að segja félögum hans að hann sé að fara í aðgerð og komi til baka miklu betri í fótbolta - held að Logi Snær sé alveg að kaupa það.<br />Eigið góðan dag.<br /><br /> </article> <article> <h1>Afmælisveislan</h1> <p>Sun, 03 Apr 2011 21:24:33 GMT</p> Já dagurinn í dag var helgaður 2ja ára afmælum Daða Steins og Heklu Bjarkar. Það var ákveðið að halda sameiginlegt afmæli fyrir þau þar sem stæðsti hluti gestanna yrði sá sami í báðum afmælunum. Bangsímonþema varð fyrir valinu og leit kakan svona út:<br /><br /><br />Afmælisbörnin kipptu sér lítið upp við sönginn og dunduðu sér með rörin á meðan.<br /><br /><br />Daði Steinn var sæll og glaður með stóra pakkann sem hann fékk og kunni vel til verka við að opna hann.<br /><br /><br />Daði Steinn þakkar öllum kærlega fyrir komuna í afmælið í dag og fyrir alla pakkana sem hann fékk - það var þreyttur en sæll drengur sem fór að sofa rúmlega átta í kvöld.<br /> </article> <article> <h1>Daði Steinn 2ja ára</h1> <p>Sat, 26 Mar 2011 22:21:10 GMT</p> Langt síðan síðast.......<br />Maður hefur einfaldlega ekki haft tíma, orku eða nennu til að blogga. Það hefur bara verið nóg annað að gera - jú ég hefði svosem getað bloggað um veikindi Daða Steins en ákvað að gera það ekki.<br />Litli kúturinn minn á s.s. afmæli í dag:lol: Það var að sjálfsögðu bökuð kaka og höfð með kaffinu, engir gestir þó, nema Andri Hrafn vinur hans sem var í heimsókn hjá Ísaki Mána - og við skoðun á gömlum myndum þá var hann reyndar hérna líka þegar Logi Snær varð tveggja ára.<br />Veislan verður haldin næstu helgi í samkurli með Heklu Björk sem þá verður tveggja ára.<br />Nokkrum myndum var smellt af í tilefni dagsins:<br /><br />Hérna er maður klár í kökurnar!<br /><br /><br />Súkkulaðikakan rann ljúflega niður með ískaldri mjólk!<br /><br /><br />Menn voru mjög sáttir við að fá pakka!<br /><br /><br />Hér fyrir ofan og neðan má sjá að menn voru með einbeittann vilja til að opna þennan pakka. Menn voru bara nokkuð sáttir við þennan eina pakka með nokkrum bílum í.<br /><br />Nokkuð góður dagur hjá okkur sem ekki erum með hor niður á maga, hann var þó nokkuð þéttur hjá húsmóðurinni:<br />9:15 mætt á Leiknisvöllinn, þar sem ég fylgdist með Loga Snæ og félögum taka Leiknismenn í ærlega kennslustund, enda undir pressu frá Ísaki Mána sem enn hefur ekki tapað gegn Leikni á sínum ferli.<br />11:30 mætt heim og tekinn smá skokkhringur.<br />12:00 hent í alla hádegismat áður en við Logi Snær skelltum okkur í sund, þaðan fórum við á bókasafnið.<br />15:30 Afmæliskaffitíminn. Eftir svona kökuát er nóg að ganga frá, svo var tekinn rúntur í Nettó til að hafa allt í kvöldmatinn sem ég eldaði.<br />19:00 settist loks niður til að skella í mig besta hamborgaranum í bænum - enda heimagerður.<br />Svo tók við að koma börnunum í bælið.<br />Þegar hér er komið kl. 22:20 á ég eftir að hengja upp úr einni þvottavél, en ætli ég skelli mér ekki svo í rúmið.<br />Já, nóg að gera á stóru heimili þegar kallinn er rúmliggjandi með flensuna - ég hefði líklega getað steikt hamborgarana á honum í kvöld:$<br /><br />Læt þetta nægja í bili.....<br /><br /> </article> </main></body></html>